ٹرمپ کی نیتن یاہو سے متوقع ملاقات، غزہ اور ایران کی صورتحال پر بات چیت ہوگی

امریکی صدر ڈونلڈ ٹرمپ نے اعلان کیا ہے کہ وہ آئندہ ہفتے اسرائیلی وزیر اعظم بنیامین نیتن یاہو سے وائٹ ہاؤس میں اہم ملاقات کریں گے، جس میں غزہ اور ایران کی تازہ ترین صورتحال پر تفصیلی گفتگو کی جائے گی۔

عالمی خبر رساں ادارے 'رائٹرز' کے مطابق، صدر ٹرمپ نے فلوریڈا میں صحافیوں سے گفتگو کرتے ہوئے غزہ میں جلد جنگ بندی کی امید ظاہر کی۔ ان کا کہنا تھا کہ وہ اسرائیلی وزیراعظم سے ملاقات میں غزہ میں فوری جنگ بندی کی ضرورت پر بامقصد بات کریں گے۔

ڈونلڈ ٹرمپ نے دعویٰ کیا کہ نیتن یاہو بھی جنگ بندی کے خواہش مند ہیں، اور انہیں امید ہے کہ آئندہ ہفتے اسرائیل اور حماس کے درمیان جنگ بندی اور یرغمالیوں کی بحفاظت واپسی کا معاہدہ ممکن ہو سکتا ہے۔

انہوں نے فلوریڈا روانگی سے قبل وائٹ ہاؤس میں صحافیوں سے گفتگو کرتے ہوئے کہا: "ہم چاہتے ہیں کہ تمام یرغمالی محفوظ طریقے سے اپنے گھروں کو واپس آئیں۔ مجھے امید ہے کہ آئندہ ہفتے کسی بھی وقت یہ مسئلہ حل ہو جائے گا۔"