زرمبادلہ کے ذخائر 20 ارب ڈالر سے تجاوز، تاریخی ریکارڈ قائم

پاکستان کے زرمبادلہ کے ذخائر ملکی تاریخ کی بلند ترین سطح پر پہنچ گئے ہیں، جن کی مجموعی مالیت 20 ارب ڈالر سے تجاوز کر گئی ہے۔

اسٹیٹ بینک آف پاکستان نے 4 جولائی 2025 کو ختم ہونے والے ہفتے کے دوران زرمبادلہ کے ذخائر سے متعلق اعداد و شمار جاری کیے ہیں، جن کے مطابق سرکاری ذخائر 14 ارب 50 کروڑ 22 لاکھ ڈالر تک پہنچ گئے۔

رپورٹ کے مطابق صرف ایک ہفتے کے دوران سرکاری ذخائر میں 1 ارب 77 کروڑ 44 لاکھ ڈالر کا اضافہ ریکارڈ کیا گیا، جبکہ کمرشل بینکوں کے ذخائر بھی 16 کروڑ 32 لاکھ ڈالر کے اضافے کے ساتھ بڑھ کر 5 ارب 52 کروڑ 65 لاکھ ڈالر ہو گئے۔

مجموعی طور پر ملک کے زرمبادلہ کے ذخائر 20 ارب 2 کروڑ 87 لاکھ ڈالر کی سطح پر پہنچ چکے ہیں، جو کہ پاکستان کی تاریخ میں اب تک کا سب سے بلند ترین ریکارڈ ہے۔