اعظم نذیر تارڑ کی آذری وزیراعظم سے ملاقات،قانون وانصاف کے شعبوں میں اشتراک کا عزم

باکو: وفاقی وزیر قانون اعظم نذیر تارڑ نے آذربائیجان کے وزیر اعظم علی ہیدیات اوغلو اسدوف سے ملاقات کی۔

دونوں رہنماؤں کے درمیان ملاقات میں دو طرفہ باہمی تعاون، قانونی شعبوں میں مشترکہ کوششوں، ادارہ جاتی صلاحیت‌ سازی اور تجربات کے تبادلے کے لیے جامع فریم ورک تشکیل دیا گیا۔

اس کے علاوہ اعظم نذیر تارڑ نے آذر بائیجان کے وزیرِ انصاف فرید طوراب اوغلو احمدوف اورچیف جسٹس سپریم کورٹ انعام اعتماد اوغلو کریموف سے بھی اعلیٰ سطحی ملاقاتیں کیں،جن میں قانونی اصلاحات اور عدالتی نظام کی ڈیجیٹلائزیشن کے فروغ پر بھی مشاورت کی گئی۔ 

ملاقات میں فریقین نے شعبہ قانون و انصاف  کے شعبے میں مضبوط اور دیرپا اشتراکِ ععزم دہرایا، معاہدے کو پاکستان کے بین الاقوامی قانونی شراکتوں کے فروغ اور ملکی قانونی ڈھانچے کی جدید کاری کی حکمت عملی میں ایک اہم سنگِ میل قرار دیا۔