ٹرمپ کا بڑا اقتصادی فیصلہ: یورپی یونین اور میکسیکو پر 30 فیصد تجارتی ٹیکس کا اعلان
ٹرمپ کے اس فیصلے پر یورپی یونین کی جانب سے شدید ردِعمل سامنے آیا ہے۔ یورپی کمیشن کی صدر اُرسلا وان ڈیر لین نے کہا کہ اگر امریکا نے یہ ٹیکس عائد کیا


امریکی صدر ڈونلڈ ٹرمپ نے یورپی یونین اور میکسیکو پر 30 فیصد تجارتی ٹیکس نافذ کرنے کا اعلان کر دیا ہے، جس پر یکم اگست سے عمل درآمد ہوگا۔ یہ اعلان صدر ٹرمپ نے سوشل میڈیا پر جاری کیے گئے تجارتی خطوط کے ذریعے کیا۔
صدر ٹرمپ نے وضاحت کی کہ یہ اقدام "امریکی صنعت کو تحفظ فراہم کرنے اور غیر منصفانہ تجارتی پالیسیوں کا توڑ نکالنے" کے لیے ناگزیر ہے۔ انہوں نے دعویٰ کیا کہ دیگر ممالک امریکی مارکیٹ سے ناجائز فائدہ اٹھا رہے ہیں اور یہ نئی تجارتی پالیسی امریکی مفادات کے تحفظ کی جانب ایک اہم قدم ہے۔
ٹرمپ کے اس فیصلے پر یورپی یونین کی جانب سے شدید ردِعمل سامنے آیا ہے۔ یورپی کمیشن کی صدر اُرسلا وان ڈیر لین نے کہا کہ اگر امریکا نے یہ ٹیکس عائد کیا تو یورپی یونین فوری جوابی اقدامات کرے گی۔ ان کا کہنا تھا کہ ہم اپنے معاشی مفادات کا دفاع کرنا جانتے ہیں، تاہم یورپی یونین بات چیت کے دروازے کھلے رکھنے کی حامی ہے۔
یہ پہلا موقع نہیں ہے جب صدر ٹرمپ نے کسی ملک یا خطے پر یکطرفہ تجارتی ٹیکس عائد کیا ہو۔ ان کی صدارت کے دوران میانمار اور لاؤس پر 40 فیصد، جنوبی افریقہ، سری لنکا، الجزائر، عراق اور لیبیا پر 30 فیصد، جبکہ جاپان، جنوبی کوریا، ملائیشیا، قازقستان، برونائی اور مالدووا پر 25 فیصد اور فلپائن پر 20 فیصد درآمدی ٹیکس عائد کیا جا چکا ہے۔
تجزیہ کاروں کا کہنا ہے کہ یہ اقدامات عالمی تجارتی تناؤ میں مزید اضافہ کر سکتے ہیں، خاص طور پر ایسے وقت میں جب عالمی معیشت پہلے ہی غیر یقینی صورتحال کا شکار ہے۔

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

پیٹرول اور ڈیزل کی نئی قیمتوں کا اعلان
- 2 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل







