یوٹیوب چینلز کی بندش: عدالت نے مزید 5 صحافیوں کے چینلز کھولنے کا حکم دے دیا
سینئر صحافی حبیب اکرم کی عدم حاضری کے باعث ان کی اپیل پر سماعت مؤخر کر دی گئی۔ عدالت نے حبیب اکرم کی حاضری اور دلائل کے لیے سماعت 14 جولائی تک ملتوی کر دی۔


اسلام آباد کی مقامی عدالت کی جانب سے 27 یوٹیوب چینلز کی بندش کے حکم میں اہم پیش رفت سامنے آئی ہے، جہاں مزید 5 یوٹیوبرز کے خلاف فیصلہ معطل کر دیا گیا ہے۔
ایڈیشنل ڈسٹرکٹ اینڈ سیشن جج افضل مجوکہ نے یوٹیوبرز کی اپیلوں پر سماعت کی، جو کہ جوڈیشل مجسٹریٹ عباس شاہ کے 8 جولائی کے فیصلے کے خلاف دائر کی گئی تھیں۔ عدالت نے دلائل سننے کے بعد مخدوم شہاب الدین، اوریا مقبول جان، عبدالقادر، عزیر انور اور عمیر رفیق کے یوٹیوب چینلز کی بندش کا حکم معطل کر دیا۔
دوسری جانب، سینئر صحافی حبیب اکرم کی عدم حاضری کے باعث ان کی اپیل پر سماعت مؤخر کر دی گئی۔ عدالت نے حبیب اکرم کی حاضری اور دلائل کے لیے سماعت 14 جولائی تک ملتوی کر دی۔
یاد رہے کہ 8 جولائی کو جوڈیشل مجسٹریٹ عباس شاہ نے ایف آئی اے کی درخواست پر صحافیوں مطیع اللہ جان، اسد طور، صدیق جان اور دیگر کے 27 یوٹیوب چینلز کو بند کرنے کا حکم دیا تھا۔ دو صفحات پر مشتمل تحریری حکم میں کہا گیا تھا کہ ریاست مخالف مواد سے متعلق ایف آئی اے نے 2 جون کو انکوائری شروع کی تھی، اور پیش کردہ شواہد عدالت کے نزدیک تسلی بخش تھے۔
تاہم اس فیصلے پر صحافیوں کی جانب سے شدید ردِ عمل سامنے آیا، جس میں مؤقف اپنایا گیا کہ انہیں نہ تو نوٹس جاری کیا گیا اور نہ ہی موقف سننے کا موقع دیا گیا، جو کہ آئین کے آرٹیکل 10-A (شفاف ٹرائل کا حق) کے منافی ہے۔
قبل ازیں، عدالت نے مطیع اللہ جان اور اسد طور کے کیس میں بھی یوٹیوب بندش کا حکم معطل کرتے ہوئے نیشنل کرائم ایجنسی کو 21 جولائی کے لیے نوٹس جاری کر دیا تھا۔

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

پیٹرول اور ڈیزل کی نئی قیمتوں کا اعلان
- 2 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

پاکستان میں فی تولہ سونا ہزاروں روپے سستا ہوگیا
- a day ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago





