لیجنڈری بالی وڈ اداکار دھیرج کمار 79 سال کی عمر میں چل بسے

ممبئی : بھارت کے لیجنڈری اداکار دھیرج کمار 79 سال کی عمر میں چل بسے۔

بھارتی میڈیا رپورٹس کے مطابق دھیرج کمار گزشتہ روز سے ممبئی کے مقامی اسپتال میں زیر علاج تھے اور وینٹی لیٹر پر رکھا گیا تھا،جہاں دوران علاج آج وہ انتقال کر گئے۔

 نامور اداکاردھیرج کمار نے 1965 میں فلمی کیرئیر کا آغاز کیا اور بالی وڈ کے علاوہ پنجابی اور دیگر زبانوں کی فلموں میں بھی کام کیا۔

انہوں نے 1970 سے 1984 تک 21 پنجابی فلموں میں اداکاری کی، ان کی مشہور فلموں میں راتوں کا راجہ، روٹی، کپڑا اور مکان اور دیگر شامل ہیں۔

اس کے علاوہ دھیرج کمار نے چھوٹے پردے پر بھی کام کیا اور کئی ڈراموں میں اہم کردار ادا کیے، اس کے علاوہ اپنی پروڈکشن کمپنی بھی بنائی۔