فلم ویلکم ٹو پنجاب ،پنجاب سے نکل کر بلوچستان پہنچ گئی

ویب ڈیسک : فلم ’’ویلکم ٹو پنجاب ‘‘پنجاب سے نکل کر بلوچستان پہنچ گئی، بلوچستان کے علاقے گڈانی میں فلم کے آخری سپیل کا آغاز ہوگیا۔

فلم کے ہدایتکار شہزاد رفیق نے گڈانی کے علاقے میں فلم کے گانے کے شارٹس ڈی او پی عادل عسکری سے عکسبند کروائے۔ 

فلم کے  ہیرو عادی خان اور زارا حیات پر گانا پکچرائز کیا گیاجبکہ پروڈیوسر صفدر ملک نے کہا کہ فلم ’’ویلکم ٹو پنجاب‘‘ قومی یک جہتی اور بین الصوبائی ہم آہنگی پر بنائی ہے، فلم میں  ہر طرح کا مصالحہ شامل کیا گیا ہے۔

شہزاد رفیق نے فلم کی کاسٹ سے بہترین کام لیا ہے، فلم پاکستان کے یوم آزادی چودہ اگست کو ریلیز کی جائے گی۔