امیتابھ بچن سلمان خان کو پیچھے چھوڑ تے ہوئے سب سے مہنگے ٹی وی ہوسٹ بن گئے

ممبئی:  لیجنڈری اداکار امیتابھ بچن نے بالی وڈ کنگ کے سلمان خان کو پیچھے چھوڑتے ہوئے سب سے مہنگے ٹی وی ہوسٹ بن گئے۔

انڈین میڈیا رپورٹس کے مطابق لیجنڈری اداکار امیتابھ بچن اپنے کوئز شو’’ کون بنے گا کروڑ پتی‘‘(کے بی سی) کے 17ویں سیزن کے لیے فی ایپیسوڈ 5 کروڑ روپے وصول کر رہے ہیں، جس کا مطلب ہے کہ ہر ہفتے وہ 25 کروڑ روپے تک کمائیں گے۔

اس کے ساتھ ہی سلمان خان کو پیچھے چھوڑتے ہوئے بھارت میں سب سے زیادہ معاوضہ لینے والے ٹی وی شو کے میزبان بن چکے ہیں،اگرچہ سلمان خان کو ”بگ باس“ کے شو کے لیے 12 کروڑ روپے فی ایپیسوڈ ملتے ہیں، مگر وہ صرف ہفتے میں دو دن شو کی شوٹنگ کرتے ہیں، جبکہ امیتابھ بچن کی ہفتہ وار کمائی 25 کروڑ روپے تک پہنچتی ہے۔

دوسری جانب سونی ٹی وی نے 4 اپریل کو اپنے پرومو ویڈیو کے ذریعے کے بی سی 17 کے سیزن کی واپسی کا اعلان کیا تھا جس میں امیتابھ بچن نے شو کی واپسی کا اشارہ دیا تھا۔

واضح رہے کہ چند ماہ پہلے میڈیا میں یہ خبریں آئیں کہ امیتابھ بچن ذاتی وجوہات کی وجہ سے کے بی سی چھوڑ رہے ہیں اور سلمان خان سیزن 17 کے میزبان ہوں گے۔

 تاہم، یہ خبریں جھوٹی ثابت ہوئیں اور امیتابھ بچن نے اس سیزن کے لیے واپس آ کر ان افواہوں کو غلط ثابت کردیا۔

خیال رہے اس سال ”کون بنے گا کروڑ پتی“ کا 17واں سیزن 11 اگست 2025 کو نشر ہوگا، اور اس کا آغاز ایک نئی اور دلچسپ شان کے ساتھ ہو گا، جس میں امیتابھ بچن کی میزبانی اور زیادہ جاندار ہوگی۔