صارفین کے لیے بڑی خبر،واٹس ایپ کا کوئیک ری کیپ کے نام سے نیا فیچر متعارف

ویب ڈیسک: پیغام رسانی کیلیے استعمال ہونے والی  مقبول ترین سوشل میٖڈیا  ایپلیکیشن واٹس ایپ نے نیا فیچر متعارف کرانے کا اعلان کردیا۔

ٹیکنالوجی ویب سائٹ کی رپورٹ کے مطابق واٹس ایپ نے میسج سمریز کے نام سے فیچر پر کام شروع کردیا ہے جس کی مدد سے صارفین ان ریڈپیغامات کو وقت ضائع کیے بغیر پڑھ سکیں گے۔

اس فیچر کو کوئیک ری کیپ کا نام دیا گیا ہے۔ جس کے ذریعے صارفین کو چیٹس کے میسجز سمری کی صورت میں ملیں گے۔یہ فیچر فی الحال آزمائشی طور پر صرف اینڈرائیڈ صارفین کے لیے متعارف کروایا گیا ہے۔

یہ فیچر استعمال کرنے کے لیے صارفین چیٹس کو منتخب کر کے مینیو پر جاکر کلک کریں گےجہاں کوئیک ری کیپ آپشن نظر آئے گا۔ یہ آپشن منتخب کرتے ہی ان ریڈ میسجز کی سمری سامنے آجائے گی۔