ایشیا کپ 2025: دبئی اور ابوظبی میزبانی کریں گے، پاک-بھارت ٹاکرا 14 ستمبر کو دبئی میں ہوگا

ایشین کرکٹ کونسل (اے سی سی) نے ایشیا کپ 2025 کے وینیوز کا باضابطہ اعلان کر دیا ہے، جس کے مطابق یہ میگا ایونٹ 9 سے 28 ستمبر تک متحدہ عرب امارات (یو اے ای) میں منعقد ہوگا۔ میچز دبئی اور ابوظبی کے اسٹیڈیمز میں کھیلے جائیں گے۔

ٹورنامنٹ کا سب سے زیادہ منتظر مقابلہ، پاکستان اور بھارت کے درمیان ہائی وولٹیج میچ، 14 ستمبر کو دبئی کرکٹ اسٹیڈیم میں کھیلا جائے گا۔

وینیوز اور میچز کی تقسیم
ایشیا کپ 2025 کے مجموعی 19 میچز میں سے ، 12 میچز دبئی کرکٹ اسٹیڈیم میں ہوں گے ۔

7 میچز ابوظبی میں شیڈول کیے گئے ہیں ، سپر فور مرحلہ اور فائنل (28 ستمبر) بھی دبئی میں ہی کھیلے جائیں گے ۔ 

پاکستان کرکٹ ٹیم کا شیڈول : 
پاکستان ٹیم کے تینوں گروپ میچز دبئی کرکٹ اسٹیڈیم میں ہوں گے ، 12 ستمبر: پاکستان بمقابلہ عمان ، 14 ستمبر: پاکستان بمقابلہ بھارت ، 17 ستمبر: پاکستان بمقابلہ متحدہ عرب امارات

ٹورنامنٹ فارمیٹ اور گروپس

 گروپ A:

پاکستان ، بھارت (میزبان)

عمان

متحدہ عرب امارات

 گروپ B:

سری لنکا

بنگلہ دیش

افغانستان

ہانگ کانگ

ٹورنامنٹ کا مقصد ایشیائی ٹیموں کو ٹی20 ورلڈ کپ 2026 سے قبل تیاری کا بھرپور موقع فراہم کرنا ہے۔