• GNN
Advertisement
کھیل

پی سی بی کاخواتین کرکٹرز کیلئے سینٹرل کنٹریکٹ کا اعلان

کھلاڑیوں کو 5 کیٹیگریز میں تقسیم کرکے معاوضوں میں 50 فیصد اضافہ کیا گیا ہے، پی سی بی

GNN Web Desk
شائع شدہ ایک سال قبل پر اگست 6 2025، 12:41 شام
ویب ڈیسک کے ذریعے
پی سی بی کاخواتین کرکٹرز کیلئے سینٹرل کنٹریکٹ کا اعلان

پاکستان کرکٹ بورڈ (پی سی بی) نے خواتین کرکٹرز کے لیے سینٹرل کنٹریکٹ 26-2025 کا اعلان کر دیا۔

سینٹرل کنٹریکٹ میں کھلاڑیوں کو 5 کیٹیگریز میں تقسیم کیا گیا ہے اور تمام کیٹیگریز میں کھلاڑیوں کے معاوضوں میں 50 فیصد اضافہ کیا گیا ہے۔ آئی سی سی ٹی 20 رینکنگز کی نمبر ون بولر سعدیہ اقبال کو کیٹیگری ’اے‘ میں شامل کیا گیا ہے، ان کے ساتھ فاطمہ ثنا، منیبہ علی اور سدرہ امین بھی کیٹیگری اےکا حصہ ہیں۔

 کیٹگری ’ بی‘ میں عالیہ ریاض، ڈیانا بیگ اور نشرا سندھو کو شامل کیا گیا ہے جبکہ کیٹیگری ’ سی‘ کا واحد کنٹریکٹ رمین شمیم کو دیا گیا ہے۔ کیٹیگری ’ڈی ‘ میں 10 کھلاڑی شامل ہیںجو کہ گل فیروزہ، نجیہ علوی، ناتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر ہیں۔

پی سی بی نے اس بار ابھرتی ہوئی خواتین کرکٹرز کے لیے ’ ایمرجنگ کیٹگری‘ بھی متعارف کرائی ہے جس میں نوجوان کھلاڑی ایمان فاطمہ اور شوال ذوالفقار کو کنٹریکٹ دیا گیا ہے۔

Advertisement
آپ کو یہ پسند آسکتا ہے
رجحانات
Advertisement