پاکستان کا نمبر ون گلوکار کون؟ چاہت فتح علی خان کے انوکھے بیان پر سوشل میڈیا صارفین کی شدید تنقید

لاہور: سوشل میڈیا پر اپنی مزاحیہ گائیکی اور وائرل گانوں کی وجہ سے شہرت حاصل کرنے والے چاہت فتح علی خان خود کو پاکستان کا نمبر ون گلوکار قرار دے کر ایک نیا تنازع چھیڑ دیا، ان کے اس دعوے نے سوشل میڈیا پر ہنگامہ کھڑا کر دیا۔

چاہت فتح علی خان ایک بار پھر خبروں کی زینت بن گئے ہیں، اس بار انہوں نے اپنے ایک بیان سے مداحوں کو حیران اور ناراض کر دیا ہے۔

تفصیلات کے مطابق ایک نجی ٹی وی دئیے گئے انٹرویو میں خود ساختہ گلوکار چاہت فتح علی خان ایک بار پھر خبروں کی زینت بن گئے ہیںپرگروام میں چاہت فتح علی خان نے دعوی کرتے ہوئے خود کو پاکستان کا نمبر ون گلوکار قرار دے دیا،جبکہ انہوںنے دوسرے نمبر پر عاطف اسلم اور تیسرےنمبر 3 پر راحت فتح علی خان کو رکھا ہے۔

چاہت فتح علی خان نے کہا، عاطف اسلم اچھے ہیں۔ ’ایک نئی آواز سامنے آئی تھی۔ اگرچہ ان کا آغاز اتنا اچھا نہیں تھا لیکن اب وہ پوری دنیا میں مقبول ہیں۔ لوگ نئے گلوکاروں کو سننا چاہتے ہیں، اس لیے عاطف اس وقت پاکستان میں دوسرے نمبر کے گلوکار ہیں۔ جبکہ پہلے نمبر پر وہ خود ہیں‘۔

دوران انٹرویو ان کامزید کہنا تھا کہ راحت فتح علی خان بھی اچھے ہیں لیکن میں ان کو تیسرے درجے پر جگہ دوں گا کیونکہ اول درجے پر ہمیشہ چاہت فتح علی خان ہی رہے گا۔

مزاحیہ گلوکار کے اس بیان پر سوشل میڈیا صارفین سیخ پا ہوگئے اور ان پر تنقید کے نشتر چلا دیے، ایک صارف نے طنزاً لکھا کہ عاطف اسلم تو شرم سے کسی کونے میں جا کر رو رہے ہوں گے۔

ایک صارف کا کہنا تھا کہ پہلے نمبر پر آپ ہی ہیں لیکن آخری طرف سے۔ جبکہ ایک صارف کا کہنا تھا کہ چاہت فتح علی خان جان بوجھ کر ایسے بےوقوفوں والے بیان دیتے ہیں تاکہ شہرت حاصل کر سکیں،جبکہ ایک اور شانی نامی صارف نے کہا ’کروڑوں دلوں کا نقصان چاہت فتح علی خان‘۔