بنوں : ایف سی چیک پوسٹ پر خارجی دہشتگردوں کا ڈرون حملہ،ایک اہلکار شہید،3زخمی

بنوں: صوبہ خیبرپختونخوا کے ضلع بنوں میں فرینٹر کور (ایف سی) کی چیک پوسٹ پرخارجی دہشتگردوں کے ڈرون حملے میں ایک اہلکار شہید جبکہ 3 زخمی ہو گئے۔

ڈسٹرکٹ پولیس آفیسر (ڈی پی او) بنوں سلیم عباس کلاچی کے مطابق بکا خیل کے علاقے تختی خیل میں ایف سی کی چیک پوسٹ پر کواڈ کاپٹر ڈرون حملہ کیا گیا، حملے میں ایک ایف سی اہلکار شہید اور 3 زخمی ہو گئے۔

ڈی پی او سلیم عباس کلاچی کا کہنا ہے کہ حملے میں زخمی ہونے والے اہلکاروں کو اسپتال منتقل کر دیا گیا ہے جہاں ان کو بہتر طبی امداد دی جارہی ہے۔

ڈی پی او کامزید کہنا ہے کہ واقعہ کے بعد فرینٹر کور اور پولیس نے علاقے میں سرچ آپریشن شروع کر دیا ہے۔