Advertisement

خیبرپختونخوا میں کلاؤڈ برسٹ، سیلاب اور لینڈ سلائیڈنگ سے 157 افراد جاں بحق، درجنوں لاپتہ

پی ڈی ایم اے کی ابتدائی رپورٹ کے مطابق گزشتہ 24 گھنٹوں کے دوران بارش اور فلش فلڈ کے باعث 16 افراد زخمی ہوئے

GNN Web Desk
شائع شدہ ایک سال قبل پر اگست 15 2025، 5:47 شام
ویب ڈیسک کے ذریعے
خیبرپختونخوا میں کلاؤڈ برسٹ، سیلاب اور لینڈ سلائیڈنگ سے 157 افراد جاں بحق، درجنوں لاپتہ

خیبرپختونخوا کے مختلف اضلاع میں شدید بارشوں، کلاؤڈ برسٹ، لینڈ سلائیڈنگ اور سیلابی ریلوں کے نتیجے میں اب تک 157 افراد جان کی بازی ہار چکے ہیں جبکہ متعدد افراد لاپتہ ہیں۔ درجنوں مکانات مکمل یا جزوی طور پر تباہ ہو گئے۔

ڈپٹی کمشنر بونیر کے مطابق ضلع بونیر میں سب سے زیادہ نقصان ہوا جہاں 80 افراد جاں بحق ہوئے۔ پی ڈی ایم اے کی ابتدائی رپورٹ کے مطابق گزشتہ 24 گھنٹوں کے دوران بارش اور فلش فلڈ کے باعث 16 افراد زخمی ہوئے، جبکہ 35 مکانات متاثر ہوئے، جن میں سے 28 جزوی طور پر اور 7 مکمل طور پر منہدم ہو چکے ہیں۔

سب سے زیادہ متاثرہ علاقوں میں باجوڑ اور بٹگرام شامل ہیں، جہاں ریسکیو آپریشن تیزی سے جاری ہے۔ ضلعی انتظامیہ کو پیشگی الرٹ جاری کیا گیا تھا اور اب تمام متاثرہ علاقوں میں امدادی سرگرمیاں تیز کر دی گئی ہیں۔ متاثرین کو ریلیف فراہم کرنے اور بند سڑکوں کی بحالی کے احکامات بھی جاری کیے گئے ہیں۔

ڈی سی بونیر، کاشف قیوم کے مطابق پیر بابا اور آس پاس کے علاقوں میں صورتحال نہایت سنگین ہے۔ کئی شہری اپنے گھروں کی چھتوں پر پناہ لیے ہوئے ہیں۔ جاں بحق افراد میں 37 مرد، 25 خواتین اور 18 بچے شامل ہیں۔ پیر بابا بازار اور قریبی محلہ زیر آب آ چکے ہیں جبکہ متعدد مویشی بھی ہلاک ہو گئے ہیں۔ پیر بابا پولیس اسٹیشن بھی سیلابی پانی میں ڈوب گیا ہے۔

باجوڑ کی تحصیل سلارزئی میں کلاؤڈ برسٹ اور آسمانی بجلی گرنے کے نتیجے میں 21 افراد جان سے ہاتھ دھو بیٹھے، جن میں خواتین اور بچے بھی شامل ہیں۔ لینڈ سلائیڈنگ کے باعث 7 مکانات مکمل طور پر ملبے کا ڈھیر بن گئے۔ فرنٹیئر کور نے ہیلی کاپٹر کے ذریعے خیمے اور ضروری سامان متاثرہ علاقوں تک پہنچایا۔ وزیر اعلیٰ خیبرپختونخوا نے تمام دستیاب وسائل بروئے کار لانے کی ہدایت دی ہے۔

بٹگرام کے علاقے نیل بند گاؤں میں بادل پھٹنے سے 12 اموات ہوئیں، جب کہ 10 افراد تاحال لاپتہ ہیں۔ مسلسل بارش اور خراب مواصلاتی نظام کے باعث امدادی سرگرمیوں میں شدید مشکلات درپیش ہیں۔

مانسہرہ میں بارش کے دوران مختلف حادثات میں 26 افراد جان سے گئے۔ بٹل پولیس اسٹیشن کے قریب لینڈ سلائیڈنگ کے نتیجے میں 15 مکانات منہدم ہو گئے اور 35 افراد ملبے تلے دب گئے۔

لوئر دیر کی تحصیل لعل قلعہ میدان کے گاؤں سوری پاؤ میں ایک مکان کی چھت گرنے سے 5 افراد جاں بحق اور 4 زخمی ہو گئے، جن میں خواتین اور بچے شامل ہیں۔

سوات، باجوڑ اور دیگر متاثرہ اضلاع میں پاک فوج کا ریلیف آپریشن جاری ہے۔ متاثرہ افراد کو محفوظ مقامات پر منتقل کیا جا رہا ہے اور ہیلی کاپٹر کے ذریعے راشن اور ادویات فراہم کی جا رہی ہیں۔ مقامی آبادی نے پاک فوج کی بروقت کارروائیوں پر اطمینان اور شکریہ کا اظہار کیا ہے۔

Advertisement
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 9 دن قبل
نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

  • 11 دن قبل
ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

  • 11 دن قبل
راولپنڈی: گھر سے خاتون اینکر ربیعہ احسن کی گولی لگی لاش برآمد

راولپنڈی: گھر سے خاتون اینکر ربیعہ احسن کی گولی لگی لاش برآمد

  • 10 دن قبل
انڈر 19 ایشیا کپ: پاکستان نے بھارت کو 3 وکٹ سے شکست دے دی

انڈر 19 ایشیا کپ: پاکستان نے بھارت کو 3 وکٹ سے شکست دے دی

  • 10 دن قبل
پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

  • 12 دن قبل
پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

  • 11 دن قبل
پولیس افسران کی ترقیوں کے خلاف پنجاب حکومت کی اپیلیں خارج

پولیس افسران کی ترقیوں کے خلاف پنجاب حکومت کی اپیلیں خارج

  • 11 دن قبل
پہلے ایل پی جی اوراب بجلی بم گرا دیا گیا

پہلے ایل پی جی اوراب بجلی بم گرا دیا گیا

  • 11 دن قبل
پیٹرول اور ڈیزل کی قیمتوں میں کمی کا اعلان

پیٹرول اور ڈیزل کی قیمتوں میں کمی کا اعلان

  • 12 دن قبل
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 9 دن قبل
پشاور میں نادرا کا اسسٹنٹ ڈائریکٹر فائرنگ سے جاں بحق

پشاور میں نادرا کا اسسٹنٹ ڈائریکٹر فائرنگ سے جاں بحق

  • 12 دن قبل
رجحانات
Advertisement