Advertisement

پشاور انسٹیٹیوٹ آف کارڈیالوجی کا عالمی ریکارڈ: 14 ٹاوی سرجریز کے ذریعے دل کے والو کی تبدیلی

اسپتال انتظامیہ نے اس غیر معمولی کارنامے کو گنیز بک آف ورلڈ ریکارڈ میں شامل کرنے کے لیے باضابطہ طور پر درخواست بھی ارسال کر دی ہے

GNN Web Desk
شائع شدہ ایک سال قبل پر اگست 15 2025، 7:46 شام
ویب ڈیسک کے ذریعے
پشاور انسٹیٹیوٹ آف کارڈیالوجی کا عالمی ریکارڈ: 14 ٹاوی سرجریز کے ذریعے دل کے والو کی تبدیلی

پشاور انسٹیٹیوٹ آف کارڈیالوجی (PIC) کے ماہر سرجنز نے بغیر سینہ چاک کیے دل کے والو کی تبدیلی کی 14 کامیاب ٹاوی سرجریز مکمل کرکے ایک نیا عالمی ریکارڈ قائم کر دیا۔

ترجمان PIC رفعت انجم کے مطابق، 14 اگست کے موقع پر ماہر سرجنز کی ٹیم نے ان مریضوں کے دل کے والو تبدیل کیے جن کی اوپن ہارٹ سرجری ممکن نہیں تھی۔ یہ تمام آپریشنز جدید ترین ٹاوی (TAVI) تکنیک کے ذریعے مکمل کیے گئے۔

اسپتال انتظامیہ نے اس غیر معمولی کارنامے کو گنیز بک آف ورلڈ ریکارڈ میں شامل کرنے کے لیے باضابطہ طور پر درخواست بھی ارسال کر دی ہے۔

انسٹیٹیوٹ کے میڈیکل ڈائریکٹر ڈاکٹر علی رضا کے مطابق، اس ریکارڈ ساز اقدام میں ملک کے مختلف بڑے اسپتالوں سے تعلق رکھنے والے ماہر کارڈیالوجسٹ اور سرجنز نے شرکت کی۔ ان کا کہنا تھا کہ 70 سے 80 سال کی عمر کے مریضوں کو ٹاوی سرجریز کے ذریعے نئی زندگی ملی۔

پشاور انسٹیٹیوٹ آف کارڈیالوجی کے ڈین، پروفیسر ڈاکٹر شاہکار احمد شاہ نے اس کامیابی کو پاکستان کے طبی شعبے کے لیے ایک نمایاں سنگِ میل قرار دیا۔ ان کا کہنا تھا کہ عالمی معیار کی سہولیات اور مہارت کے ساتھ یہ کارنامہ پاکستان کے ہیلتھ کیئر سسٹم کے روشن مستقبل کی عکاسی کرتا ہے۔

Advertisement
رجحانات
Advertisement