آسٹریلیا میں بھارتی طلبہ کا چوریوں میں ملوث منظم گروہ بے نقاب، 10 ملین ڈالرز کی وارداتیں

آسٹریلوی میڈیا نے انکشاف کیا ہے کہ بھارتی طالب علموں کی بڑی تعداد چوری کی منظم وارداتوں میں ملوث پائی گئی ہے، جنہوں نے گزشتہ پانچ ماہ کے دوران آسٹریلیا میں 10 ملین ڈالرز سے زائد مالیت کا سامان چرایا۔

میڈیا رپورٹس کے مطابق آسٹریلوی پولیس نے بھارتی طلبہ اور عارضی ویزوں پر مقیم افراد پر مشتمل 19 رکنی ایک منظم گروہ کو گرفتار کیا ہے، جس پر بڑے تجارتی مراکز اور اسٹورز سے مہنگی اشیاء چرانے کا الزام ہے۔

پولیس کا کہنا ہے کہ یہ گروہ ایک منظم نیٹ ورک کے طور پر کام کر رہا تھا، جو مخصوص اشیاء جیسے کہ بے بی فارمولا، وٹامنز، الیکٹرک ٹوتھ برشز اور دیگر قیمتی مصنوعات چرا کر مخصوص خریداروں کو فراہم کرتا تھا۔ بعد ازاں یہ خریدار یہ سامان مہنگے داموں دوبارہ فروخت کرتے تھے۔

پولیس تحقیقات کے مطابق گروہ کے ارکان نے مختلف مقامات پر باقاعدہ منصوبہ بندی کے تحت وارداتیں کیں، اور یہ سلسلہ کئی مہینوں سے جاری تھا۔