مشہور آٹو کمپنی یاماہا نے پاکستان میں موٹر سائیکل کی پیداوار بندکرنے کا اعلان کر دیا

ویب ڈیسک:معروف جاپانی آٹو کمپنی  یاماہا(YAMAHA) نے پاکستان میں موٹر سائیکل کی پیداوار بند کرنے کا اعلان کر دیا۔

تفصیلات کے مطابق  یاماہا موٹر پاکستان (پرائیویٹ) لمیٹڈ نے باضابطہ طور پر اعلان کیا ہے کہ کاروباری پالیسی میں تبدیلی کے باعث ہم موٹر سائیکلوں کی پیدوار بند کر رہے ہیں۔ 

کمپنی کی جانب سے جاری بیان میں مزید کہا گیا کہ پاکستان میں یاماہا موٹر سائیکل استعمال کرنے والے تمام صارفین کا ہم دل کی گہرائیوں سے شکریہ ادا کرتے ہیں ،ہم آپ کی برسوں پر محیط حمایت اور وفاداری کے نہایت مشکور ہیں۔ 

تاہم البتہ کمپنی نے یقین دہانی کروائی ہے کہ  ڈیلرز کے ذریعے موجودہ یاماہا موٹر سائیکل صارفین کے لیے اسپیئر پارٹس فراہم کریں گے جبکہ وارنٹی سروسز اور کسٹمر سپورٹ بھی فراہم کی جائے گی۔

کمپنی کی جانب سےکہا گیا کہ کسی بھی قسم کی معلومات کیلئے صارفین ہماری آفیشل ویب سائٹ ، ای میل یا واٹس ایپ کے ذریعے ہم سے براہ راست رابطہ کریں۔