وزیر اطلاعات و ثقافت  پنجاب عظمیٰ بخاری سے معروف اداکار،رائٹر اورڈائریکٹر نسیم وکی کی ملاقات 

لاہور:معروف اداکار، ڈرامہ رائٹر ڈائریکٹر نسیم وکی نے وزیر اطلاعات و ثقافت  پنجاب عظمیٰ بخاری سے ملاقات کی اس موقع پر   اداکار سلطان راہی مرحوم کے صاحبزادے اداکار حیدر سلطان راہی بھی موجود تھے۔

ملاقات میں تھیٹر ڈراموں میں کلچر کے فروغ سے متعلق بات چیت کی گئی۔

دوران ملاقت اداکار نسیم وکی نے کہا کہ پنجاب حکومت کی جانب سے تھیٹر کی بہتری کیلئے اٹھائے گئے اقدامات کے اثرات سامنے آ رہے ہیں،اب فیملیز کی بڑی تعداد تھیٹرز کا رخ کر رہی ہے۔

صوبائی وزیر عظمیٰ بخاری کے اقدامات قابل تعریف ہیں،،ڈرامے کیلئے اٹھائے گئے اقدامات کا ہم بھرپور ساتھ دیتے ہیں۔ اس موقع پر سیکرٹری اطلاعات طاہر رضا ہمدانی بھی موجود تھے۔