مالی کے عبوری صدر پر نماز عید کے موقع پر چاقو سے حملے کی کوشش

غیر ملکی خبر رساں ادارے کے مطابق  صدارتی حکام  کا کہنا ہے کہ مالی کے عبوری صدر پر چاقو سے حملے کی کوشش کی گئی ہے،صدر عاصمی گوئٹا پردارالحکومت بماکو کی مسجد میں نمازِ عید  کے موقع پر حملے کی کوشش کی گئی ہے۔

 صدارتی حکام کا مزید کہنا ہے کہ  سکیورٹی حکام نے فوری طورپر حملہ ناکام بنادیا   اور تحقیقات کا آغازکردیاگیا ہے۔صدر کو جائے وقوعہ سے فوری محفوظ مقام پر منتقل کردیاگیا۔ صدر کی حالت سے متعلق کوئی اطلاع نہیں ہے۔

37 سالہ گوئٹا نے گذشتہ ماہ  اس عہدے کا حلف اٹھایا تھا۔

اگست 2020 میں ، کرنل گوئٹا نے ایک فوجی بغاوت کی قیادت کی تھی جس نے بدعنوانی اور بگڑتے ہوئے سکیورٹی بحران سے نمٹنے میں ناکامی پر مہینوں حکومت مخالف مظاہروں کے  بعد صدر ابراہیم بوباکر کیٹا کو ہٹا دیا تھا۔