اولیمپک چیمپیئن سمیع اللہ خان کے مجسمے سے ہاکی اور گیند چوری کرنے والا ملزم گرفتار

تفصیلات کے مطابق  ماڈل ٹاؤن میں لگے ہوئے اولیمپک چیمپیئن سمیع اللہ خان کے مجسمے سے ہاکی اور گیند چوری ہونے اور نازیبا حرکات کرنے  کے  کیس میں ملوث  ملزم کو   48  گھنٹے میں گرفتار کرلیا گیا ۔

تھانہ کینٹ پولیس نے شہری کی درخواست پر مقدمہ درج کیا تھا۔ پولیس نے سی سی ٹی وی کیمروں اور اردگرد سے معلومات لیکر تحقیقات کا آغاز کیا تھا۔

پولیس نے 48 گھنٹوں میں جدید ٹیکنالوجی کی مدد سے اصل ملزم کو گرفتار کر لیا۔ ملزم نعمان کہروڑ پکا کا رہائشی ہے اور اس وقت بہاولپور میں رہائش پزیر ہے ۔

پو لیس کا کہنا ہے کہ   ملزم نے اعتراف کیا کہ وہ اپنے کیے پر بہت شرمندہ ہے اور ملزم سے مزید انٹیروگیشن جاری ہے۔

ڈی پی او کا کہنا ہے کہ  سمیع اللہ خان پاکستان کے ہیرو ہیں۔ ان کی خدمات بے پناہ ہیں ۔  سرکاری املاک اور  یادگاروں کی حفاظت ہمارا فرض ہے۔