گوگل جی میل کا صارفین کیلئے 2 زبردست نئے فیچرز متعارف کروانے کا اعلان 

ویب ڈیسک :گوگل جی میل نے صارفین کے لیے 2  زبردست نئے فیچرز متعارف کرانے کا اعلان کیا ہے،یہ دونوں فیچرز شاپنگ سے متعلق ہیں۔

تفصیلات کے مطابق ایک فیچرز پرچیزز ہے جو بنیادی طور پر جی میل میں شامل کیا جانے والا ایک نیا ٹیب ہے،کمپنی کے مطابق اس ٹیب میں صارفین اپنی تمام آن لائن خریداری اور ڈیلیوری اپ ڈیٹس کو ایک ہی جگہ دیکھ سکیں گے،کمپنی نے بتایا کہ اس طرح آپ ایک ہی جگہ اپنی خریداری کے بارے میں جان سکیں گے۔

کمپنی کے مطابق یہ فیچر دنیا بھر میں جی میل کی موبائل ایپ اور ویب ورژن کے صارفین کو متعارف کرایا جا رہا ہے۔

تاہم کمپنی کی جانب سے ابھی تک یہ واضح نہیں کیا گیا کہ یہ فیچر صارفین کو یہ کب تک دستیاب ہوگا۔

اسی طرح دوسرا فیچر پروموشنز ٹیب کے حوالے سے ہے جسے کمپنی کی جانب سے اپ ڈیٹ کیا جا رہا ہے،اس نئی اپ ڈیٹ کے بعد صارفین most relevant پروموشنل ای میلز کو اپنی پسند کی ترتیب دے سکیں گے۔

یعنی موسٹ ریسنٹ یا موسٹ relevant آپشنز میں سے کسی ایک کا انتخاب کرسکیں گے۔

کمپنی کا کہنا ہے کہ یہ اپ ڈیٹ آئندہ چند ہفتوں میں تمام صارفین کو دستیاب ہوگی۔