میرا معاملہ حسن زاہدسے طے ہوگیا، اپنا کیس واپس لیتی ہوں ، سامعہ حجاب

ٹک ٹاکر سامعہ حجاب اور ملزم حسن زاہد کے درمیان صلح ہو گئی ہے۔

ڈسٹرکٹ اینڈ سیشن کورٹ اسلام آباد میں سامعہ حجاب کو اغوا اور دھمکیاں دینے سے متعلق کیس کی سماعت ہوئی، جس میں سامعہ حجاب نے اپنا بیان قلمبند کرایا۔

سماعت کے دوران جج عامر ضیاء نے استفسار کیا کہ "کیا آپ کا مسئلہ حل ہو گیا ہے؟" جس پر سامعہ نے جواب دیا کہ "جی، ہمارا معاملہ طے پا گیا ہے۔"

عدالت نے مزید سوال کیا کہ "کیا آپ کیس کی مزید پیروی کرنا چاہتی ہیں؟" جس پر سامعہ حجاب نے کہا کہ وہ کیس واپس لے رہی ہیں اور ملزم کی ضمانت یا رہائی پر انہیں کوئی اعتراض نہیں۔

عدالت نے ملزم حسن زاہد کی 20،000 روپے کے مچلکوں کے عوض ضمانت منظور کر لی۔

یاد رہے کہ حسن زاہد کے خلاف تھانہ شالیمار میں دو مقدمات درج تھے۔