آسمان کو چھوتی سونے کی قیمتوں کو ریورس گئیر لگ گیا ، ایک ہی دن میں ہزاروں روپے سستا

کراچی : آسمان کی بلندیو ں کو چھوتی سونے کی قیمتوں کو ریورس گیئر لگ گیااورایک ہی دن میں سونے کی قیمت میں ہزاروں روپے کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز مقامی مارکیٹوں میں سونے کی قیمت میں 2000روپے فی تولہ کمی ریکارڈ کی گئی جس کے بعدسونے کی نئی قیمت کم ہوکر 3 لاکھ 96 ہزار 800 روپے کی سطح پر آگئی۔

اسی طرح دس گرام سونے کے نرخ میں ایک ہزار 747 روپے کی کمی ہوئی ہے جس کے بعد دس گرام سونا 3 لاکھ 40 ہزار 192 روپے کا ہو گیا ہے۔

دوسری جانب عالمی بلین مارکیٹ میں سونے کی قیمت میں 20 ڈالر کی کمی ہوئی ہے جس کےبعد عالمی مارکیٹ میں فی اونس سونا 3750 ڈالر کی سطح پر آ گیا ہے۔