پی سی بی نے قومی کرکٹرز کے غیر ملکی لیگز کیلئے جاری این او سی معطل کردیئے

 پاکستان کرکٹ بورڈ نے قومی کرکٹرز کے غیر ملکی لیگز کے لیے جاری این او سی معطل کردیئے ہیں، پی سی بی نے ایشیا کپ میں شکست کے بعد قومی کرکٹرز کے این او سی معطل کردیے ہیں۔

پی سی بی کے چیف آپریٹنگ آفیسر سمیر احمد کی جانب سے اس حوالے سے باضابطہ نوٹیفکیشن جاری کردیا گیا ہے۔ قومی کرکٹرز کے این او سی کی معطلی کا فیصلہ ایشیا کپ ٹی ٹوئنٹی فائنل میں بھارت کے ہاتھوں شکست کے ایک روز بعد کیا گیا۔

پی سی بی نے ان کھلاڑیوں کو آسٹریلیا کی بگ بیش لیگ میں شرکت کے لیے این او سی جاری کیے تھے تاہم اب انہیں ہولڈ پر رکھ دیا گیا ہے۔ اس فیصلے کے تحت پاکستان کے ٹاپ کرکٹرز بابراعظم، شاہین آفریدی، محمد رضوان اور فہیم اشرف براہ راست متاثر ہوں گے۔