فی تولہ سونا ایک بار پھر ہزاروں روپے مہنگا ، قیمت تاریخ کی بلند ترین سطح پر پہنچ گئی

کراچی: عالمی اور مقامی مارکیٹ میں سونا مزید مہنگا ہو گیا جس کے بعد سونے کی نئی قیمت بلند ترین سطح پر پہنچ گئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز فی تولہ سونے کی قیمت میں 5 ہزار 400 روپے کا اضافہ ریکارڈ کیا گیا جس کے بعد فی تولہ سونے کی نئی قیمت 4لاکھ 15 ہزار 278 روپے کی بلند ترین سطح پر پہنچ گئی۔

اس کے علاوہ دس گرام سونے کے نرخ میں بھی 4629 روپے کا اضافہ ہوا ے جس کے بعد ملک میں دس گرام سونے کی نئی قیمت 356033 روپے ہوگئی ہے۔

دوسری جانب عالمی بلین مارکیٹ میں فی اونس سونا 54 ڈالر مہنگا ہونے کے بعد فی اونس کی قیمت 3 ہزار 940 ڈالر پر پہنچ گئی۔

اس کے علاوہ پاکستان میں چاندی کی قیمت بھی نئی بلند ترین سطح پر جا پہنچی،چاندی کی فی تولہ قیمت 53 روپے بڑھکر 4949 روپے ہوگئی۔