Advertisement

نوبیل انعام برائے معاشیات 2025: تین ماہرین کو دینے کا اعلان

پیٹر ہاؤاٹ اور فلپی اگیون نے اس بات پر روشنی ڈالی کہ ایک ٹیکنالوجی کی کامیابی بعد میں آنے والی ٹیکنالوجیز کے لیے بنیاد فراہم کرتی ہے، اور یوں ترقی کا تسلسل پیدا ہوتا ہے

GNN Web Desk
شائع شدہ ایک سال قبل پر اکتوبر 13 2025، 6:13 شام
ویب ڈیسک کے ذریعے
نوبیل انعام برائے معاشیات 2025: تین ماہرین کو  دینے کا اعلان

سال 2025 کا نوبیل انعام برائے معاشیات تین ممتاز ماہرینِ معیشت — جوئیل موکیر، پیٹر ہاؤاٹ اور فلپی اگیون — کو دینے کا اعلان کیا گیا ہے۔

یہ تینوں معاشی ماہرین بالترتیب امریکہ کی نارتھ ویسٹرن یونیورسٹی، براؤن یونیورسٹی، اور فرانس کے کالج آف فرانس سے وابستہ ہیں۔ انہیں یہ اعزاز ٹیکنالوجیکل جدت اور معاشی ترقی کے باہمی تعلق پر کی گئی تحقیق کے اعتراف میں دیا گیا۔

انعامی رقم، جو کہ 12 لاکھ امریکی ڈالر پر مشتمل ہے، تینوں ماہرین میں مساوی طور پر تقسیم کی جائے گی۔

نوبیل کمیٹی کے مطابق، ان اسکالرز نے یہ واضح کیا کہ گزشتہ دو صدیوں میں دنیا نے تاریخ کی سب سے بڑی معاشی پیشرفت دیکھی، جس میں تکنیکی ایجادات کا کلیدی کردار رہا۔ ان کی تحقیق نے یہ باور کرایا کہ جدید ٹیکنالوجی کس طرح معیشتوں کو نئی راہوں پر ڈالتی ہے، اور کس طرح ایک ایجادات کا سلسلہ دوسری نئی ایجادات کی بنیاد بنتا ہے۔

جوئیل موکیر نے یہ تصور پیش کیا کہ ٹیکنالوجی کی بہتری نے ماضی میں نہ صرف ترقی کی رفتار کو تیز کیا بلکہ انسانی معیارِ زندگی کو بھی بہتر بنایا۔
پیٹر ہاؤاٹ اور فلپی اگیون نے اس بات پر روشنی ڈالی کہ ایک ٹیکنالوجی کی کامیابی بعد میں آنے والی ٹیکنالوجیز کے لیے بنیاد فراہم کرتی ہے، اور یوں ترقی کا تسلسل پیدا ہوتا ہے۔

قابل ذکر بات یہ ہے کہ تینوں ماہرین کی پیدائش امریکہ سے باہر ہوئی، تاہم انہوں نے پی ایچ ڈی کی ڈگریاں امریکی جامعات سے حاصل کیں۔

Advertisement
رجحانات
Advertisement