اداکارہ ماورہ نے امیر گیلانی سے پہلی ملاقات کے بارےمیں بتادیا

تفصیلات کے مطابق ایک نجی ٹی چینل کے پروگرام میں گفتگو کرتے ہوئےماورہ حسین کا کہنا تھا کہ میں اور امیر یونیورسٹی میں ایک ہی کلاس میں پڑھتے تھے لیکن ہماری کبھی ایک دوسرے سے بات چیت نہیں ہوئی، میری اپنی کلاس میں کسی سے زیادہ بات نہیں ہوتی تھی کیونکہ مجھے کلاس لے کر شوٹنگ کیلئے جانا ہوتا تھا۔

اداکارہ کا کہنا تھا کہ میری ان سے پہلی ملاقات امتحانی کمرے میں جانے سے قبل ہوئی، پتا نہیں امیر کو یہ بات یاد ہوگی کہ نہیں، مجھے پانی چاہیے تھا اور مجھے احساس ہوا کہ میرے پاس والٹ نہیں ہے۔

ماورہ حسین کا کہنا تھا کہ میں پانی کی بوتل پکڑے کھڑی تھی، امیر وہیں پر کھڑے ہوئے تھے انہوں نے کہا کوئی بات نہیں یہ صرف 30 روپے ہی ہیں اور انہوں نے پیسے دے دیے، اس پر  میں نے انکار کیا لیکن امیر نے کہاکہ ہمیں پتا ہے آپ ایک اداکارہ ہیں لیکن چلیں کوئی بات نہیں ۔

اداکارہ نے اعتراف کرتے ہوئے کہا کہ شاید یہی ہماری پہلی ملاقات اور بات چیت تھی ،اس کے علاوہ ہماری کبھی کوئی بات نہیں ہوئی ہے ۔