کوہاٹ : پولیس نے بڑی تعداد میں ہتھیار سمگل کرنے کی کوشش ناکام بنادی

جی این این کے مطابق   کوہاٹ میں پولیس نے    گلشن آباد پولیس چیک پوسٹ پرکارروائی میں اسلحے سے بھری پک اپ پکڑ لی ،  ڈی پی او سہیل خالدکے مطابق کارروائی میں  بین الصوبائی سمگلر  گرفتارکر لیاگیا جبکہ  پکڑے گئے ہتھیاروں میں 2کلاشنکوف، 72پستول، 5788کارتوس، 90چارجرز اور مختلف ہتھیاروں کے پرزےشامل ہیں۔

ڈی پی او  کوہاٹ کے مطابق پکڑا جانیوالا اسلحہ درہ آدم خیل سے ڈی آئی خان اور پنجاب سمگل کیا جارہا تھا،تازہ کاروائی میں زیر حراست سمگلر کے خلاف تھانہ جنگل خیل میں مقدمہ درج کر لیا گیا۔ ہتھیاروں کی بھاری کھیپ سمگل کرتے پکڑے گئے سمگلر کو تفتیشی ٹیم کے حوالے کردیاگیا ہے ۔ اسلحے سے بھری گاڑی سمیت گرفتار سمگلر حمز اللہ کا تعلق درہ آدم خیل سے ہے اور ابتدائی پوچھ گچھ میں ملزم نے  اعتراف جرم کرلیاہے۔