ڈرگ ریگولیٹری اتھارٹی کا غیر معیاری دوا ساز کمپنیز کے خلاف ایکشن

تفصیلات کے مطابق سندھ کی 5،بلوچستان کی ایک دوا ساز کمپنی کا لائسنس معطل، خیبرپختونخوا کی 5، اسلام آبادکی ایک دواساز کمپنی کا لائسنس معطل جبکہ پنجاب کی 2، سندھ 2، اسلام آباد کی ایک فارما کمپنی کا لائسنس منسوخ کیا گیا ہے ۔

سی ای او ڈریپ ڈاکٹر عاصم روف کا کہنا ہے کہ فارما کمپنیز کے خلاف ایکشن ڈریپ ایکٹ 2012 کے تحت لیا گیا ہے ۔

انہوں نے کہا کہ دوا ساز کمپنیز نے گڈ مینوفیکچرنگ پریکٹس کی خلاف ورزی کی، دواساز کمپنیز کے خلاف کارروائی فیلڈ ٹیمز کی سفارش پر کی، انسپکشن میں کمپنیز غیر معیاری دوا سازی کی مرتکب پائی گئیں تھیں ۔

ان کا مزید کہنا تھا کہ ملک میں عالمی معیار کی دواسازی، دستیابی اولین ترجیح ہے، ڈریپ ایکٹ کی خلاف ورزی کرنے والوں سے سختی سے نمٹا جائے گا،غیر معیاری ادویات کے خلاف ملک گیر آپریشن جاری رہے گا ۔