عالمی شہرت یافتہ فیشن ڈیزائنر آمنہ انعام کی سالگرہ کی تقریب، فیملی سمیت شوبز شخصیات کی شرکت

لاہور (کلچرل رپورٹر) بین الاقوامی شہرت یافتہ فیشن ڈیزائنر، ماڈل اور اسٹائلسٹ آمنہ انعام کی سالگرہ کی شاندار تقریب گلوری ایونٹ کے زیر اہتمام ڈیفنس کلب لاہور میں منعقد ہوئی جس میں شوبز، فیشن اور میڈیا انڈسٹری سے تعلق رکھنے والی متعدد معروف شخصیات نے شرکت کی۔

جس میی نامور اداکار و گلوکار محسن عباس حیدر اداکارہ میمونہ قدوس عاقب انصاری عاطف انصاری ترنجیت سنگھ طاہر سرور میر محسن جعفر عمران راج گلوکار کاشف علی بابر سہیل ہاشمی روحیل سمیت دیگر افراد شامل تھے شرکاء نے آمنہ انعام کو سالگرہ کی مبارکباد پیش کرتے ہوئے ان کی فنی اور پیشہ ورانہ خدمات کو سراہا

تقریب کے دوران آمنہ انعام کی فیشن انڈسٹری میں نمایاں کامیابیوں اور بین الاقوامی سطح پر پاکستان کی نمائندگی پر خصوصی گفتگو کی گئی۔

مقررین کا کہنا تھا کہ آمنہ انعام نے اپنی محنت، تخلیقی صلاحیتوں اور منفرد ڈیزائنز کے ذریعے عالمی فیشن پلیٹ فارمز پر پاکستان کا نام روشن کیا ہے۔ وہ لندن، پیرس، میلان اور دبئی فیشن ویک سمیت مختلف بین الاقوامی ایونٹس میں اپنی صلاحیتوں کا لوہا منوا چکی ہیں۔حال ہی میی مصر میی ہونے فیشن ویک میں ان کی کارکردگی کو خوب سراہا اور ان کو ایوارڈ ملنے پر مبارکباد پیش کی۔

جبکہ اس موقع پر آمنہ انعام نے تمام مہمانوں کا شکریہ ادا کرتے ہوئے کہا کہ مداحوں، دوستوں اور ساتھیوں کی محبت ان کے لیے سب سے قیمتی سرمایہ ہے۔

انہوں نے کہا کہ وہ مستقبل میں بھی فیشن اور ثقافتی سرگرمیوں کے ذریعے پاکستان کا مثبت تشخص دنیا بھر میں اجاگر کرنے کے لیے اپنی کاوشیں جاری رکھیں گی۔

تقریب کے اختتام پر سالگرہ کا کیک کاٹا گیا اور میوزک کا خصوصی اہتمام کیا گیا جبکہ شوبز شخصیات اور مہمانوں نے آمنہ انعام کے ساتھ یادگاری تصاویر بنوائیں اور ان کی کامیابیوں کے لیے نیک تمناؤں کا اظہار کیا۔ سالگرہ کی یہ تقریب فیشن اور شوبز حلقوں میں توجہ کا مرکز بنی رہی۔