فیصل قریشی بھی کورونا وائرس میں مبتلا ہوگئے

تفصیلات کے مطابق اداکار فیصل قریشی بھی کورونا وائرس کی چوتھی لہر کی زد میں آگئے ہیں ، فیصل قریشی نے اپنے مداحوں اور تمام پاکستانیوں کو  ہدایت کی کہ اپنا خیال رکھیں کیونکہ کورونا کی نئی قسم ڈیلٹا ویرینٹ لوگوں کو متاثر کررہی ہے۔

انہوں نے کہا ہے کہ میں ویکسین لگوا چکا ہو اور گزشتہ روز اس وائرس میں مبتلا ہوا تھا جس کے بعد آئندہ کچھ روز کیلئے آئسولیشن میں ہوں، مجھ میں وائرس کی کوئی علامات تاحال موجود نہیں ہیں ۔

یاد رہے کہ اس سے قبل بھی کورونا وائرس کی چوتھی لہر نے کئی اداکاروں کو متاثر کیا جن میں زرنش خان، سنبل اقبال، اشنا شاہ اور عدنان صدیقی شامل ہیں۔