بچوں کے پسندیدہ ڈرامہ 'عینک والا جن' کی نئے انداز میں واپسی 

لاہور: (عبدالسلام علی) اے آئی سے تیار کردہ پاکستانی فلم عینک والا جن کا لاہور میں پریمیئر شو منعقد ہوا جس میں شوبز شخصیات اور عوام نے بھرپور شرکت کی، فلم میں بچوں کیلئے خوبصورت پیغام بھی دیا گیا، 

لاہور کے نجی سینما میں منعقدہ فلم عینک والا جن کے پریمیئر شو میں معروف اداکارہ و میزبان جگن کاظم اداکار فاران طاہر، فلم پروڈیوسر فیصل سلیم,ہدایتکار فرحان خان اور دیگر شریک ہوئے اداکار فاران طاہر اور فلم کے پروڈیوسر فیصل سلیم نے کہا کہ عینک والا جن پاکستان کی پہلی مکمل طور پر مصنوعی ذہانت سے تیار کردہ فلم ہے جو سنگ میل ثابت ہو گی اداکارہ جگن کاظم نے کہا کہ یہ فلم ابھرتی ٹیکنالوجیز کی طرح کہانی سنانے اور فلم سازی کے انداز کو نئی جہت دے سکتی ہے

فلم عینک والا جن ایک ایسے بچے کے گرد گھومتی ہے جسے جن زاد زندگی کے اتار چڑھاو سے روشناس کرواتا ہے فلم کے پروڈیوسر فیصل سلیم اور ڈائریکٹر فرحان طاہر ہیں یہ فلم چوبیس جولائی کو ریلیز ہوگی