فیملی ڈرامے وقت کی اہم ضرورت ہے، اداکار شان شاہد

عبدالسلام علی سے 

لاہور: لیجنڈ اداکار ، ہدایتکار شان شاہد نے کہا ہے کہ فلم انڈسٹری کے ساتھ ساتھ ڈرامہ انڈسٹری میں بھی بہتری آنی چاہیے ڈرامہ انڈسٹری اور اسکے فنکار دنیا بھر میں اپنی پہچان رکھتے ہیں۔

جی این این سے گفتگو کرتے ہوئے اداکار شان شاہد نے کہا کہ ایک وقت  تھا جب عمر شریف ، البیلا، امان اللہ کا طوطی بولتا تھا اور فیملیز یہ ڈرامے دیکھنے جاتے تھے اب بھی ایسا ہی کچھ ہونا چاہیے اور سستی تفریح عام آدمی تک پہنچنی چاہیے۔

آج کے دور میں ناصر چنیوٹی ، قیصر پیا، آغا ماجد بہترین اداکاروں کی صف میں شامل ہیں۔

شان شاہد نے مزید کہا کہ میری نئی آنیوالی فلم جٹ ریلوڈڈ شائقین کو بے حد پسند آئے گی اس میں بھی نئے انداز  سے کامیڈی اور دیگر لوازمات شامل کیے گئے ہیں، اداکار شان شاہد اہل خانہ کے ہمراہ اداکار یاسر حسین کا ڈرامہ سو سویٹ دیکھنے پہنچے اور ڈرامہ کو بے حد پسند کیا۔