منال خان اوراحسن محسن اکرام کی منگنی کے چرچے

پاکستان شوبز انڈسٹری کی خوبرو اداکارہ منال خان اور اداکار احسن محسن اکرام کی دوستی کے چرچے  ہر جگہ مقبول ہیں اور آئے روز ان کی  نئی تصاویر اور ویڈیوز بھی سوشل میڈیا کی زینت بنی رہتی ہیں  ،   اپنی پوسٹس میں  بھی  یہ دونوں ایک دوسرے کے لیےاظہار محبت کرتے نظر آتے ہیں ۔

گزشتہ روز ویلنٹائن ڈے  کے موقع پر  انسٹاگرام پر اداکار احسن محسن اکرام کی جانب سے شیئر کی گئی ایک   پوسٹ   نے دونوں  اداکاروں کے  چاہنے والوں  کو خوشگوار حیرت میں مبتلا کردیا ۔احسن  کی جانب سے دو تصاویرشئیر  کی گئیں ،  جن  میں سے ایک تصویر میں خوبصورت جوڑا ایک ساتھ کھڑا ہے جبکہ دوسری تصویر میں منال خان نے اپنا آدھا چہرا اپنے ہاتھ سے چھپایا ہوا ہے اور اُن کے بائیں ہاتھ کی انگلی میں  ایک انگوٹھی بھی نظر آرہی ہے۔ احسن محسن خان نے اپنی اس پوسٹ کے عنوان  میں منال خان کو ویلنٹائنز ڈے کی مبارکباد بھی  دی ہے ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Ahsan Mohsin Ikram (@ahsanmohsinikramofficial)

فوٹو اینڈویڈیو شئیرنگ ایپ انسٹاگرام پر اداکارہ  منال خان کی جانب سے احسن محسن اکرام کے ساتھ ایک  سیلفی  شیئر کی گئی ہے جس میں دونوں بے حڈ  خوشگوار موڈ میں نظر آ رہے ہیں۔ منال خان نے تصویر کو  ایک خوبصورت    عنوان بھی دیا .

ان تصاویر کو دیکھنے کے بعد دونوں کے پرستاروں  کی جانب سے بے تابی سے  یہ سوالا ت کیے جا رہے ہیں کہ کیا دونوں نے منگنی کر لی ہے ؟َ  بظاہر تو ان   تصاویر   نےان  کے تعلق  کی تصدیق خود ہی کردی  ہے تاہم  منال خان اور محسن احسن کی جانب سے باقاعدہ  کسی تقریب  کا اعلان نہیں کیا گیا ۔

واضح رہے کہ منال خان اور احسن محسن اکرام  نے ڈرامہ سیریل ’پرچھائیں‘ میں ایک ساتھ کام کیا تھا، یہ ڈرامہ سال 2017 میں ایک نجی ٹی وی چینل سے نشر کیا گیا تھا۔