یوم آزادی اور محرم الحرام کے موقع پرجیل ملازمین کی چھٹیاں منسوخ

تفصیلات کے مطابق یوم آزادی اور محرم الحرام  کے موقع پرجیل ملازمین ڈیوٹیوں پرموجود رہیں گے، چودہ اگست کوجیلوں میں پرچم کشائی کی تقریب جبکہ محرم الحرام میں جلوس اور مجالس کی تقریبات منعقد کروانے کاحکم دے دیا گیا۔

آئی جی جیل مرزاشاہد سلیم بیگ نے جیلوں میں 14اگست کے موقع پرخصوصی تقریبات کےانعقاد کاحکم دیتے ہوئے مراسلہ بھجوایا ہے کہ تمام جیلوں میں تقریبات میں فنڈزکی عدم موجودگی پرمخیرحضرات سے مٹھائیاں منگوا کرقیدیوں میں تقسیم کرنے کی ہدایت کی ہےجبکہ ہفتہ وارچھٹی کے موقع پر افسران کوبھی جیلوں میں رہنے کاحکم جاری کردیا گیا ۔

محرم الحرام کےدوران سیکیورٹی اقدامات کے لئے20بیس اہلکاروں پرمشتمل ریزرو فورس بنائی جائے۔ محرم الحرام میں جیل کے اندرمجالس اورجلوس کےلئے اہتمام کیا جائے۔ مجلس اورجلوس سپرنٹنڈنٹس وڈپٹی سپرنٹنڈنٹس کی نگرانی میں کروائی جائیں۔جیلوں میں تقریبات کے دوران کورونا ایس اوپیزپر عملدرآمد کروایا جائے۔آئی جی جیل نے اقدامات کےلئے تمام جیلوں میں مراسلہ جاری کردیا ہے۔