وزیراعظم آج بہاولپور کا دورہ کریں گے

تفصیلات کے مطابق وزیراعلیٰ پنجاب  عثمان بزداربہاولپور میں وزیراعظم عمران خان کا خیر مقدم کریں گے۔ وزیراعظم کو بہاولپور میں ترقیاتی کاموں سے متعلق بریفنگ دی جائے گی جبکہ وزیراعظم  عمران خان بہاولپور کی مقامی قیادت سے ملاقات اور خطاب کریں گے۔وزیراعظم عمران خان اسلامیہ یونیورسٹی میں کسان کارڈ کی افتتاحی تقریب میں شامل ہوں گے

۔دورے میں  وزیراعظم نیشنل کاٹن بریڈنگ انسٹی ٹیوٹ اورانٹر کروپنگ ریسرچ سنٹر کی افتتاحی تقریب میں بھی شرکت کریں گے۔ اسلامیہ یونیورسٹی بہاولپور میں سولر پاور پراجیکٹ،نرسنگ کالج اور کرکٹ سٹیڈیم پویلین کا افتتاح بھی ہوگا، وزیراعلیٰ عثمان بزدار وزیراعظم عمران خان کے ہمراہ تقریبات میں شریک ہوں گے۔

گزشتہ روز وزیراعظم عمران خان نے کراچی کا دورہ بھی  کیا تھا جہاں انہوں نے کراچی شپ یارڈ اینڈ انجینئرنگ ورکس  میں بحری جہازوں کو اٹھانے اور منتقل کرنے کے نظام کا افتتاح کیا ۔  وزیر اعظم   نے کراچی ٹرانسمیشن پلان کا جائزہ اجلاس میں شرکت کی جبکہ بلوچستان کے شہر لسبیلہ میں سون میانی کے ساحل  پر شجر کارہ مہم کا افتتاح کیا تھا۔