کراچی کے ساحل پر پھنسے بحری جہاز کو نکالنے کے لیے امدادی کارروائیاں آج بھی جاری

بحری جہاز کے اطراف سے ریت نکالی جارہی ہے ، جہاز کو نکالنے کے لیے میری ٹائم سیکیورٹی ایجنسی اور کے پی ٹی کی مشینری کو بھی استعمال کیا جارہا ہے ۔ گزشتہ روز سمندر میں طغیانی کے سبب آپریشن روک دیا گیا تھا ۔

وزارت میری ٹائم نے سی ویو پر پھنسے جہاز کو ناکارہ قرار دیتے ہوئے اسے قبضے میں لینے کا فیصلہ کیا تھا ، جہاز ہینگ ٹانگ 77 کے کپتان کو تحریری  طور پر آگاہ کردیا گیا ہے ۔

بحری جہاز ہینگ ٹانگ 77 کو سی وردی نہ ہونے پر پاکستان مرچنٹ آرڈیننس 2001 کے تحت قبضے میں لیاگیا ہے .

کپتان کو لکھے گئے خط میں کہا گیا ہے کہ جہاز کو نیوی گیشن اور مشینری کا نظام خراب ہے ، خراب جہاز انسانی جان اور املاک کے لیے نقصان دہ ہے ۔