پی ٹی آئی کے رہنما حلیم عادل شیخ کو گرفتار کر لیا گیا

جی این این کے مطابق پی ایس 88 ضمنی الیکشن کیلئے پولنگ جاری ہے، ملیر کے پولنگ پر پی ٹی آئی اور پیپلزپارٹی کے کارکنوں کے درمیان تصادم ہواجس پر پولیس نے دونوں گروپوں کے درمیان بیچ بچاؤ کرایا۔الیکشن کمیشن نے حلیم عادل شیخ کو حلقہ چھوڑنے کا حکم دیاتھا،الیکشن کمیشن کاکہناہے کہ قوانین کے تحت پبلک آفس ہولڈر پولنگ سٹیشنز کا دورہ نہیں کر سکتے ۔

الیکشن کمیشن نے قانون نافذ کرنے والے اداروں کو خط  لکھ کر حلیم عادل شیخ کو گرفتارکرنے کا حکم دیا۔ ان کا کہنا تھا کہ حلیم عادل شیخ مسلح گارڈز کیساتھ حلقے میں گشت کررہے ہیں ،رکن اسمبلی صبح آٹھ بجے پولنگ سٹیشنز کے دورے کررہے ہیں ، حلیم عادل شیخ ضابطہ اخلاق کی خلاف ورزی کے مرتکب ہوئے۔

ا س سے قبل کراچی میں غلام حسین جوکھیو گوٹھ کے پولنگ اسٹیشن پر حلیم عادل شیخ کی گاڑی پرفائرنگ کی گئی ہے ۔ حلیم عادل شیخ نے الزام لگایا ہے کہ پیپلزپارٹی کےبدمعاشوں نے پولیس کی موجودگی میں فائرنگ کروائی ،  ان کا کہنا تھا کہ فائرنگ کا واقعہ پولیس کی موجودگی میں پیش آیا، بلٹ پروف گاڑی پر گولیاں لگی ہے۔