خواجہ آصف کو جیل سے میو اسپتال منتقل کر دیا گیا

جی این این کے مطابق خواجہ آصف کو جیل حکام میو اسپتال لے کر آئے ، لیگی رہنما میو اسپتال آئی وارڈمیں آنکھوں کاچیک اپ کرائیں گے، سردار ایاز صادق، رانا تنویر بھی خواجہ آصف کے ہمراہ ہیں ، آنکھوں کا چیک اپ سردار علی ایاز صادق کریں گے۔   ماہرآئی سرجن پروفیسر اسد اسلم اورایسوسی ایٹ پروفیسر علی ایاز نےآنکھوں کا چیک اپ کیا ۔ 

دوسری جانب پروفیسر اسد نقی نے خواجہ آصف کو چیک کیا اور بتایا کہ خواجہ آصف ہر نیا کی بیماری میں بھی مبتلاہیں ، پروفیسراسدنقی نےخواجہ آصف کوہرنیا کے آپریشن کی تجویز دے دی ۔ آپریشن کیلئے خواجہ آصف کا کوروناٹیسٹ کیا جا رہا ہے۔ 

ذرائع کے مطابق خواجہ آصف کو آنکھ کے آپریشن کیلئے میو ہسپتال میں داخل کر لیا گیا ، خواجہ آصف کو آئی وارڈ سے وی آئی پی روم اے وی ایچ وارڈ میں منتقل کر دیا ۔ خواجہ آصف آج رات اے وی ایچ روم نمبر 6 اور 7  میں گزاریں گے ، جبکہ خواجہ آصف کی کل کرونا رپورٹ آنے کے بعد آپریشن کیا جائے گا۔ 

خیال رہے کہ پاکستان کے قومی احتساب بیورو (نیب) نے ملک کے سابق وزیر خارجہ اور حزب اختلاف کے اہم رہنما خواجہ آصف کو آمدن سے زائد اثاثوں سے متعلق ایک کیس میں گرفتار کیا تھا۔