طالبان کو اعتماد میں لے لیا ہے ، شیخ رشید احمد

وزیرداخلہ شیخ رشید احمد نے میڈیا سے گفگتو  میں کہا ہے کہ ہم ہرطرح کی صورتحال سے نمٹنے کے لیے تیار ہیں اور اب تک کی تمام تر صورتحال اطمینان بخش ہے ۔

انہوں نے کہا ہے کہ ہماری طرف وہ لوگ آتے تھے جن کو شمالی اتحاد اور دیگر لوگوں سے مسلہ تھا تاہم طالبان کو اعتماد میں لے لیا ہے کہ افغان سرزمین پاکستان کے خلاف استعمال نہ ہو ۔

شیخ رشید احمد نے کہا کہ چمن اور طور خم بارڈر کھلا ہے اور گزشتہ روز بھی کچھ پاکستانی وطن واپس آئے ہیں ، سرحد پر مہاجرین کی ابھی کوئی صورتحال پیدا نہیں ہوئی ہے ،

انہوں نے کہا ہے کہ وزارت داخلہ میں 24 گھنٹے ویزے جاری ہورہے ہیں اور افغان طالبان سے کہا ہے کہ افغانستان کے معاملات میں مداخلت نہیں کریں گے ۔

وزیرداخلہ نے کہا کہ افغان طالبان پر یہ بھی واضح کیا ہے کہ افغانستان ہمارے معاملات میں معاملات میں مداخلت نہیں  کریگا ۔