مذاکرات کامیاب،پاکستان کا آئی ایم ایف پروگرام بحال

تفصیلات کے مطابق پاکستان اور عالمی مالیاتی فنڈ(آئی ایم ایف) کے درمیان ڈیڈ لاک ٹوٹ گیا ہے،پاکستان اور آئی ایم ایف کے درمیان مذکرات کامیاب ہو گئے ہیں  جس کے بعد پاکستان کا آئی ایم ایف پروگرام بحال کر دیا گیا ہے۔جس کے بعد آئی ایم ایف ایگزیکٹو بورڈکی منظوری کے بعد50 کروڑ ڈالر جاری کرے گا۔

آئی ایم ایف اعلامیہ کے مطابق پاکستان اور آئی ایم ایف کےدرمیان ایک پیکج پر اتفاق ہوگیا ہے، دوسرے سے لے کر پانچویں جائزہ پر اتفاق کیا گیا ہے،آئی ایم ایف اور پاکستان کےدرمیان ریفارم پروگرام پر اتفاق کیا گیا ہے،پیکج کا مقصد پاکستانی معیشت میں توازن پیدا کرنا ہے،بورڈ کی منظوری کے بعد پاکستان کو 500 ملین ڈالر کی قسط جاری کی جائے گی۔

آئی ایم ایف اعلامیہ میں مزید کہا گیا کہ پاکستان سے مذاکرات  میں کورونا وائرس کے اخراجات کا آڈٹ کرانے پر اتفاق ہوا ہے جبکہ بجلی پر سبسڈی کم کرنے پر بھی اتفاق ہوا ہے۔

آئی ایم ایف حکام نے کہا کہ گزشتہ مالی سال پاکستان کی معاشی گروتھ 0.4 فیصدہو گئی تھی ،رواں مالی سال کےدوران پاکستان کی جی ڈی گروتھ1.5فیصد رہنےکی توقع ہے،ترسیلات زرمیں اضافہ اور درآمدات میں کمی سے کرنٹ اکاؤنٹ خسارہ کنٹرول کیا گیا،پاکستان کی برآمدت میں نمایاں بہتری ہو رہی ہے۔