ملک چھوڑنے کیلئے قطار میں کھڑے سابق افغان آرمی چیف کی مبینہ تصویر سوشل میڈیا پر وائرل

تفصیلات کے مطابق  سوشل میڈیا پر وائرل ایک مبینہ  تصویر  میں افغان آرمی چیف  افغانستان چھوڑنے کے لیے کابل ایئرپورٹ پر طویل قطاروں میں دھکے کھا رہے ہیں ۔مبینہ تصویر میں دیکھا جا سکتا ہے کہ  سابق آرمی چیف معمولی کپڑوں میں  اور گلے میں ایک گمچا ڈالے کھڑے ہیں ۔ تاہم  اس تصویر کی آزاد ذرائع سے تصدیق نہیں ہوسکی۔

سابق افغان آرمی چیف جنرل ولی محمد احمد زئی کو اتحادی فوج نے ملک چھوڑنے کے لیے خصوصی سہولت بھی مہیا نہ کی۔افغان فوج کی پامیر کور کے سربراہ  جنرل امان اللہ گزر کو استنبول  ایئرپورٹ پر دیکھا گیا،  افغانستان کے نائب صدر دوم سرور دانش کو استنبول میں ٹریول ایجنٹ کے دفتر میں دیکھا گیا جبکہ  افغانستان کے صدر اشرف غنی پہلے ہی ملک سے فرار ہو کر ابوظہبی میں پناہ لیے ہوئے ہیں۔

واضح رہے کہ طالبان سے جنگ میں مسلسل  شکستوں کے بعد 11 اگست کو اُس وقت کے صدر اشرف غنی نے آرمی چیف ولی محمد احمد زئی کو عہدے سے برطرف کردیا تھا۔