کابل ایئرپورٹ پر آگ لگ گئی

عرب میڈیا کا کہنا ہے کہ آگ امریکی فوجیوں اور مسلح افراد کے درمیان فائرنگ کے تبادلے کے باعث لگی ہے جبکہ عرب میڈیا کا اس حوالے سے مزید کہنا ہے کہ کابل ایئرپورٹ سے دھوئیں کے بادل اٹھ رہے ہیں۔

Fire has broken out at Kabul airport pic.twitter.com/nOXNPRUOtr

— Muslim Shirzad (@MuslimShirzad) August 23, 2021

دوسری جانب طالبان کے ذرائع کا کہنا ہے کہ امریکی فوجیوں کے مکمل انخلا تک نئی افغان حکومت کا اعلان نہیں کیا جائے گا۔

مزید پڑھیں : ملک چھوڑنے کیلئے قطار میں کھڑے سابق افغان آرمی چیف کی مبینہ تصویر سوشل میڈیا پر وائرل

ذرائع طالبان کا کہنا ہے کہ ایک بھی امریکی فوجی کی موجودگی تک حکومت بنانے کا اعلان نہ کرنےکا فیصلہ ہوا ہے۔

ترجمان طالبان ذبیح اللّٰہ مجاہد نے اپنے بیان میں کہا کہ حاجی محمد ادریس کو افغانستان کے سنٹرل بینک کا قائم مقام گورنر بنادیا گیا۔

طالبان کا کہنا ہے کہ امارت اسلامی کی قیادت نے حاجی ادریس کو افغانستان کے سنٹرل بینک کی ذمہ داری دی ہے۔

ترجمان طالبان کا کہنا ہے کہ تقرری کا مقصد سرکاری اداروں اور بینکنگ کے نظام کو منظم کرنا اور عوامی مسائل حل کرنا ہے۔