وزیر اعظم اورروسی صدر کے درمیان ٹیلیفونک رابطہ ، افغان صورتحال پر تبادلہ خیال

تفصیلات کے مطابق   وزیراعظم عمران خان اور روسی صدر ولادی میر پیوٹن کے درمیان ٹیلیفونک رابطہ ہوا ہے،دونوں  رہنماؤں کا دوطرفہ تعلقات  اور افغان صورتحال  پر تبادلہ خیال کیا۔

وزیر اعظم عمران خان نے کہا کہ پرامن   و محفوظ  افغانستان پاکستان  اور خطے کے استحکام  کیلئےضروری ہے۔وزیراعظم عمران خان نے  پر امن اور مستحکم افغانستان کی اہمیت پر بات کی، دونوں رہنماؤں نے پاک روس تعلقات کو مزید مضبوط بنانے پر اتفاق بھی کیا۔

وزیر اعظم عمران خان نے کہا کہ عالمی برادری  افغانستان  کے عوام  کی مدد کےلئے  آگے بڑھے ، افغانوں کے تحفظ اور انسانی حقوق کےساتھ ساتھ مسئلے کا سیاسی حل ضروری ہے۔وزیراعظم نے تجارت ، توانائی  اور دیگر شعبوں میں دوطرفہ تعاون  کے فروغ پر زور دیا،دونوں  رہنماؤں نے شنگھائی   تعاون تنظیم  کےتحت علاقائی امن و سلامتی کیلئےملکر کام کرنے پر اتفاق کیا۔وزیراعظم عمران خان  نے روسی صدر کو دوبارہ  دورہ پاکستان دعوت  بھی دی۔