عمران خان مافیا نہیں بلکہ مافیا کا سرغنہ ہے:مریم نواز

نوشہرہ میں جلسہ عام سے خطاب کرتے ہوئے مسلم لیگ ن کی نائب صدر مریم نواز کا کہنا تھا کہ آپ سب لوگوں کی محبت کا بہت بہت شکریہ،پی ڈی ایم میں شامل جماعتوں کا شکریہ ادا کرتی ہوں،پی ڈی ایم جماعتوں نے مسلم لیگ ن کے ساتھ پورا پورا تعاون کیا اور ضمنی الیکشن میں مسلم لیگ ن کو سپورٹ کیا،میں جتنی پنجاب کی بیٹی ہوں اس سے زیادہ میں خیبرپختونخوا کی بیٹی ہوں،مجھے پشتو زبان سے بہت زیادہ پیار ہے۔

ان کا مزید کہنا تھا کہ عوام بتائے کہ نواز شریف کے دور میں کھانا مل رہا تھا یا نہیں، بتائیں نواز شریف کے دور میں اشیاء خورونوش سستی تھیں یا نہیں؟،بجلی کے نئے کارخانے لگ رہے تھے یا نہیں؟،ملک ترقی کررہا تھا لیکن ان ڈکیٹوں کے گروپ نے ملک پر قیامت دھادی،جو شخص سلیکٹرز کے بل بوتے پر سلیکٹ ہوا اس کا نام تو بتائیں،اس سلیکٹڈ کو کوئی نالائق خان کہتا ہے، کوئی نااہل خان، کہتا ہے، اس نالائق خان کے ہر جگہ نئے نئے نام ہیں۔

مریم نواز نے مزید کہا کہ مہنگائی کی وجہ سے لوگوں کی دکانیں تک خالی ہوگئیں،آج چولہے بھی بجھ گئے، مزدور بھی بے حال، لوگوں کے پاس چیزیں خریدنے کے پیسے نہیں،لوگوں کے پاس بچوں کی فیسوں کے پیسے نہیں، آج سب بے حال ہے،سرکاری ملازمین کا بھی برا حال ہے، کے پی کی پولیس نے بھی یہی کہا کہ مہنگائی اتنی ہے کہ گزارا مشکل ہے۔

انہوں نے مزید کہا کہ جن لوگوں کو عمران چور کہتا تھا ان کے دور حکومت میں ترقی کی شرح 5.7فیصد تھی،عمران خان کی حکومت میں ترقی کی شرح منفی سے بھی نیچے چلی گئی ہے، جن کو اس نے چور کہا انکے دور میں 70،80روپے درجن انڈے تھے اور آج 300روپے،جن کو عمران خان چور کہتا تھا انکے دور میں چینی 50روپے تھی،نواز شریف نے 5سال چینی کی قیمتی نہیں بڑھنے دی،آج عوام بتائیں چینی کی کیا قیمت ہے،نواز شریف کے دور میں روٹی 5روپے کی تھی۔

مریم نواز نے مزید کہا کہ جب پی ٹی آئی کا نمائندہ ووٹ مانگنے آئے تو بجلی اور گیس کے بل دیکھانا،کیا آج تک کسی کو نوکری یا گھر ملا،نوکریاں ذاتی نوکروں کو دی گئیں،نوکریاں انکو دی گئیں جنہوں نے انکی جیبیں بھریں، پشاور میں بس سروس کا نام میٹرو بس سروس ہے لیکن اصل میں وہ دھکا بس ہے،7،8سال میں بھی ان سے بس سروس مکمل نہیں ہوئی،بی آر ٹی جیسی جعلی حکومت اسلام آباد میں بیٹھی ہوئی ہے، اسلام آباد والی جعلی حکومت کو بھی روز دھکا لگانا پڑتا ہے لیکن پھر بھی وہ چلنے کا نام نہیں لے رہی، پاکستان کے 73سال میں عمران خان سے بڑا کوئی چور نہیں آیا،عمران حکومت 400ارب کی چینی اور 225ارب کا آٹا کھاگئے، مافیا ہوتا ہے کہ پورے ملک کی بجلی، آٹا، گیس، کھاجاؤ،ان کے بڑے بڑے سکینڈل ہیں لیکن احتساب کے کسی ادارے کو فرق نہیں پڑتا، یہ ہوتا ہے مافیا،عمران خان مافیا نہیں بلکہ مافیا کا سرغنہ ہے۔