شہباز شریف کراچی کے مسائل کا ذکر کرتے ہوئےآبدیدہ ہو گئے

تفصیلات کے مطابق مسلم لیگ ن کے صدرشہباز شریف نے کہا ہےکہ کیا کمال شہر ہے جس نے ہر کسی کو اپنی گود میں سمایا ہوا ہے،اس شہر کی خوشحالی کے بغیر پاکستان خوشحال نہیں ہو گا نواز شریف کی قیادت میں آئندہ انتخابات میں موقع ملا تو کراچی کی قسمت بدل دیں گے۔

انہوں نے کہا کہ یہاں کے مسائل اور شہریوں کو درپیش مشکلات دیکھ کر دل خون کے آنسو روتا ہے یہ ایک کمال شہر ہے جس نے ہر قومیت، ہر رنگ ونسل اور زبان بولنے والے کو اپنی گود میں لے رکھا ہے۔

قائد حزب اختلاف نے کہا کہ سالانہ اربوں کھربوں روپے دینے والے شہر کا یہ حال ہے کہ ایک گیلن پانی میسر نہیں،نواز شریف نے جس طرح کراچی اور سندھ کا امن لٹایا تھا، بجلی کے اندھیرے ختم کیے تھے،اسی طرح ایک بار پھر کراچی کو سنواریں گے اور مسائل سے پاک شہر بنائیں گے۔

ان کا مزید کہنا تھا کہ اللہ تعالی سے دعا ہے میرے مرنے سے پہلے کراچی شہر بدل جائے، یہ قائد کا شہر ہے، کماؤ شہر ہے، ملک کا معاشی مرکز ہے، سفارتی مرکز بھی رہا ہے یہاں ہر اقوام اورعلاقوں کے لوگ رہائش پذیر ہیں۔