کورونا ویکسین بوسٹرڈوز12 سال سے زائد عمر کے افراد کو لگانے کا فیصلہ

ذرائع کا کہنا ہے کہ  کورونا بوسٹر ویکسین صرف بیرون ملک جانے والوں کو لگائی جائے گی،بوسٹر ڈوز کیلئے متعلقہ ملک کی مخصوص ویکسین کی شرط کا ثبوت دینا ہو گا۔حج، عمرہ و سیرو تفریح کیلئے جانے والے شہریوں کو بوسٹر ڈوز لگے گی۔بیرون ملک تعلیم، نوکری کیلئے جانے والوں کو بوسٹر ڈوز لگے گی۔اوورسیز پاکستانیوں کو روانگی کے وقت بوسٹر ڈوز لگے گی، بیرون ملک جانے والے سرکاری حکام، بزنس مین کو بوسٹرڈوزلگے گی،بیرون ملک جانے والوں کو حسب ضرورت سنگل، ڈبل بوسٹر لگے گا۔

ذرائع کے مطابق  ‎12 ‎تا 17 سال عمر والوں کو فائزر ویکسین کا بوسٹر لگایا جائے گا۔‎18 ‎سال سے زائد العمر کو سائینو فام، فائزر، سائینو ویک کا بوسٹر لگے گا، بوسٹر ڈوز صرف سرکاری ویکسینیشن سنٹرز پر لگائی جائے گی،بوسٹر ڈوز کیلئے نیشنل بینک میں ویکسین فیس جمع کرانی ہو گی،بوسٹر ڈوز لگوانے والوں کو کارآمد ویزہ، بینک چالان دکھانا ہو گا،بیرون ملک جانے والوں کو سنگل، ڈبل بوسٹر ڈوز لگائی جائیں گی۔

ذرائع کا کہنا ہے کہ کمزور وقت مدافعت والے افراد کو بوسٹر ڈوز نہیں لگائی جائے گی،شناختی کارڈ نہ رکھنے والے افراد کو بوسٹر ڈوز نہیں لگائی جائے گی،بوسٹر ڈوز صرف نمز ریکارڈ میں شامل افراد کو لگائی جائے گی،تیز بخار میں مبتلا افراد کو کورونا بوسٹر ڈوز نہیں لگائی جائے گی، دائمی امراض کے شکار افراد کو بوسٹر ڈوز نہیں لگائی جائے گی،کورونا کا شکار افراد صحتیابی کے بعد بوسٹر ڈوز لگوا سکیں گے۔

ذرائع کے مطابق  ہر فرد کو دو اقسام کی ویکسین کی بوسٹر ڈوز لگائی جا سکیں گی،جزوی، مکمل ویکسینیٹڈ افراد کو ایک یا دو بوسٹر ڈوز لگائی جائیں گی،کورونا ویکسین کی تیسری بوسٹر ڈوز لگانے کی ممانعت ہو گی۔عالمی ادارہ صحت نے تاحال کورونا ویکسین بوسٹر کی توثیق نہیں کی،شہریوں کو بوسٹر ڈوز انکی اپنی زمہ داری پر لگائی جائے گی۔