معروف بھارتی اداکار سدھارتھ شکلا انتقال کر گئے

بھارتی میڈیا کے مطابق 40 سالہ بھارتی اداکار سدھارتھ شکلا کو دل کا دورہ پڑنے کے باعث ممبئی کے اسپتال میں انتقال کر گئے ۔ ان کی عمر 40 برس تھی ۔بھارتی میڈیا رپورٹس کے مطابق سدھارتھ نے سونے سے پہلے کچھ دوائیاں لیں جس کے بعد وہ بیدار نہ ہوئے۔ اداکار کی موت کی تصدیق اسپتال ذرائع نے کردی ہے، لاش کو پوسٹ مارٹم کیلئے  اسپتال میں رکھا جائے گا۔

مزید پڑھیں : ملک کے نامور سیاستدان سردار عطاءاللہ مینگل انتقال کرگئے

بھارتی اداکار اپنے دو بہنوں اور والدہ کے ساتھ رہ رہے تھے۔ سدھارتھ شکلا 12 دسمبر 1980 کو بھارتی شہر ممبئی میں پیدا ہوئے ۔سدھارت شکلا  نے نامور بھارتی فلموں میں اداکاری کے جوہر دکھائے، انہوں نے  فلم ہمپٹی شرما کی دلہنیا میں بھی اداکاری  کی جبکہ خطروں کے کھلاڑی، جھلک دکھلا جا سیزن 6 اور بگ باس کے سیزن 13 میں بھی حصہ لیا اور بگ باس کے سیزن 13  کے فاتح بھی ٹھہرے۔