عطاء اللہ مینگل کی سیاسی وسماجی خدمات کو ہمیشہ یاد رکھا جائیگا: چیئرمین سینیٹ

تفصیلات کے مطابق چیئرمین سینیٹ  نے سینئر سیاستدان اور بلوچ رہنماء سردار عطاء اللہ مینگل کی وفات پر گہرے دکھ اور غم کا اظہار کیا ہے۔

محمد صادق سنجرانی نے کہا کہ مرحوم سردار عطاء اللہ مینگل کی سیاسی وسماجی  خدمات کو ہمیشہ یاد رکھا جائیگا، اللہ پاک مرحوم کو اپنے جوار رحمت میں جگہ عطا فرمائے۔

چیئرمین سینیٹ مزید کہا کہ دکھ کی اس گھڑی میں لواحقین کے غم میں برابر کے شریک ہیں، اللہ لواحقین کو صبر جمیل اور یہ صدمہ برداشت کرنے کی ہمت عطا فرمائے۔

دوسری جانب ڈپٹی چئیرمین سینیٹ مرزامحمدآفریدی، سینیٹ میں قائد ایوان شہزاد وسیم اور سینیٹ میں قائد حزب اختلاف سید یوسف رضا گیلانی نے بھی مرحوم سردار عطاء اللہ مینگل کی وفات پر دکھ اور غم کا اظہار کیا ہے۔

اپوزیشن لیڈر قومی اسمبلی شہباز شریف اور سپیکر بلوچستان اسمبلی میر عبدالقدوس بزنجو نے بھی مرحوم سردار عطاء اللہ مینگل کی وفات پر دکھ اور غم کا اظہار کیا ہے۔