ماروی سرمد کی بجائے خلیل الرحمٰن قمر کو ترجیح دوں گا: فیروز خان

تفصیلات کے  مطابق اداکار سے میزبان نے سوال کیا کہ اگر وہ انڈسٹری کا حصہ نہ ہوتے اور ایک عام شخص کے طور پر ان سے ماروی سرمد یا خلیل الرحمٰن قمر میں سے کسی ایک کا انتخاب کرنے کا کہا جاتا تو وہ کس کی سائیڈ لیتے .

فیروز خان نے میزبان کے سوال کا جواب دیتے ہوئے کہا ہے کہ وہ ڈراما نگار کا انتخاب کرتے اور ساتھ ہی انہوں نے خلیل الرحمٰن قمر کو بہترین انسان بھی قراردے دیا ہے۔

ان کا کہنا تھا کہ انٹرنیٹ پر کرائے گئے سرویز دیکھ لیں، زیادہ تر پاکستانی لوگ خلیل الرحمن قمر کو ہی منتخب کرتے ہیں۔

دوسری جانب اداکار نے بتایا ہے کہ ماضی میں ان کے اور خلیل الرحمٰن کے درمیان کچھ باتوں پر اختلافات ضرور تھے مگر اب دونوں کے درمیان معاملات نمٹ چکے ہیں۔

ان کا مزید کہنا تھا کہ اب ان کے اور خلیل الرحمٰن قمر کے درمیان اختلافات ختم ہوچکے ہیں لیکن انہوں نے واضح نہیں کیا کہ ان کے بیچ کیا مسائل تھے۔